Pages
კატეგორიები
Thursday, August 8, 2013
გამონაკლისი
ცეკვაში თითქო ფრთებია
შენი ხელების მტევნები;
მე თვალს გადევნებ, მე მხოლოდ
ოცნებით დაგედევნები...
ახალგაზრდობა შენს ირგვლივ
ფერად ფერხულში ჩაება,
შენთვის უცხოა დარდი და
გულგამყინველი ვაება.
ახალგაზრდობას შენს ირგვლივ
საამური აქვს მსვლელობა,
(სადღაც კი თვალებს აცეცებს
გულგამყინველი მკვლელობა).
ახალგაზრდობას, რომელმაც
შენ აღტაცება დაგარქვა,
არ განუცდია, რა არის
გულგამყინველი დაკარგვა.
და ფრთები, მხოლოდ ფრთებია
შენი ხელების მტევნები,
ეგ სიხარული, ეგ ღიმი,
ეგ ბარი, ეგ შადრევნები.
სხვისთვის კი ბედმა არც ვარდი,
არც გაღვიძება ინება,
გიცქერ და გულნაღვლიანად
წარსულზე გამეცინება.
რად ვერ ისწავლეს ღიმილი
და თავისთავის დანდობა,
საკუთარ ხელით რად მოჰკლეს
თავისი ახალგაზრდობა?
გიცქერ და ვფიქრობ, მზიანო,
გიცქერ და გულით ვევნები —
რომ ფრთები, მხოლოდ ფრთებია,
შენი ხელების მტევნები.
1910
Subscribe to:
Post Comments (Atom)
Harrah's Cherokee Casino Resort - Mapyro
ReplyDeleteSearch for Harrah's Cherokee Casino Resort in 이천 출장안마 Cherokee, NC. Find 하남 출장안마 reviews, hours, directions, opening 부천 출장샵 hours 여수 출장안마 and 광주 출장마사지 a map of Harrah's Cherokee Casino